الاعلامي أحمد سالم أنت عايز ايه يا إمام عاشور من الزمالك؟ غير مسموح بالإساءة لنادي الزمال
كتبت ريموندا مؤمن فريد
صرح الإعلامي أحمد سالم المتحدث الرسمي لنادي الزمالك عبر قناة الشمس.
من وقت ما راح إمام عاشور نادي الأهلي وطلع مبررات كتيره منها حديث المهندس عدلي القيعي واللي بالمناسبة كانت مبررات ساذجة جدا واللي ناس كتيره خدتها مادة للسخرية.. لكن في الآخر قولنا احنا مش طرف كنادي الزمالك بالقصة
إمام عاشور اتغرم مليون جنيه وطلع يعتذر راح ملقح على الزمالك.. أنت عايز ايه يا إمام عاشور من الزمالك؟ أنت اسمك اتعمل في الزمالك وروحت المنتخب واحترفت بسبب الزمالك وانت اللي مستحملتش ورجعت وطلعت قولت في قناه الأهلي انك كان نفسك ترجع الزمالك ولما ملقتش عرض روحت الأهلي، يبقى الزمالك وحش في ايه؟
كابتن اسامه حسني سايب كل المصايب اللي عنده ويقولك هتعملوا ايه مع مصطفى شلبي اللي طلع زعلان من التغيير.. وانت مالك يا اخي ما تخليك في حالك وفي فريقك هو حد كلمك أنت مالك أنا أعمل ايه
غير مسموح بالإساءة لنادي الزمالك ومش هنسكت على الكلام ده
