زيزو يتغزل بجماهير الزمالك بعد التتويج بالسوبر الإفريقي .
كتبت ريموندا مؤمن فريد
نشر أحمد زيزو لاعب الزمالك على صفحته الرسمية فيسبوك رسالة يتنازل فيها جماهير الزمالك قائلاو بعد توفيق من الله اولاً ، كل مره بلبس فيها تيشرت نادي الزمالك بحس بالفخر ، الفخر بارتداء تيشرت نادي عنده أوفي و اعظم جمهور فالدنيا ، جمهور يعلم العالم معني كلمه وفاء معني كلمه انتماء لكيان مهما كانت نتائجه ، سيبقي جمهور الزمالك هو السبب الرئيسي في استمرار كيان الزمالك فالقمه اسما و مكانا و قيمته ، شكرا ليكم ، شكرا علي كل بطوله دخلت النادي عشان انتو السبب فيها ، شكرا لوجدكوا عشان الكوره ملهاش طعم من غيركم ، شكرا لإعطائي الشرف و الفخر الأبدي اني كنت واحد منكو في يوم من الأيام ، أنا بحبكو جدا و بفرح لفرحكو و بتقهر لزعلكو ، مبروك ليكم بطوله انتو اكتر ناس تستحقوها ، مبروك لزمالكنا العظيم ، مبروك للعيبه العظيمه علي الكفاح و الجهد و كل نقطه عرق نزلت منكم ، شكرا للجهاز الفني و الإداري ، و ان شاء الله مزيد من توفيق الله و البطولات فالشهور و السنوات القادمه ، مش هتمشي في يوم لوحدك احنا طول العمر جنبك ناس كتير بتموت في حبك يا يا يا زمااالك
كما صرح زيزو ردا على أحمد بلال
أنا باشكر أي حد طلع وقلل من نادي الزمالك وقالك ما يسافرش السعودية علشان هيخسر كده كده، باقوله شكرا انت خليت اللاعيبة تمـ وت نفسها في الملعب علشان ترد عليك
️ عيب نادي الزمالك نادي كبير وتاريخه أكبر من أي حد، اللي يتكلم يتكلم باحترام على الزمالك، إحنا الزمالك يا جماعة
وقد تتوج الزمالك بلقب السوبر الإفريقي على حساب الأهلى بركلات الترجيح بنتيجة ٣/٤ بعد التعادل الإيجابي ١/١ فى المباراة.
