خاطرة .. حوار مع ابني
شريهان عنتر عبدربه
الام :حبيبي يا ابني بتعمل ايه؟
الابن:هكون يعني بعمل ايه بكتب وبذاكر ماهو انا في سنه رابعه
الام:وايه يعني سنه رابعه!
الابن:سنه رابعه يعني حساب بالمليارات والملايين ويعني علوم وثعلب الفنك والحيتان الحدباء وانجليزي وكلمات مش عارف اقراها وحاجات تاني كتييييير
الام:هو فيه حاجات تاني
الابن :طبعا ياماما فيه مهارات وتكنولوجيا وتقييمات شهريه ومهام اداءيه
الام :وايه تاني ياعيني
الابن :هو انت ياماما كنت بتاخدي المواد دي وبتذاكري زيينا
الام :انا كنت باخد جمع وطرح وضرب وقسمه. وكنت باخد النواه والبذره وخريطه بلدي
الابن : امال احنا ليه بناخد كل ده ياماما هو انا كده كبرت يعني مش هلعب تاني خلاص. اصلي انا مابقاش عندي وقت العب مع اصحابي ولا اشوفهم غير في المدرسه والدرس وبس!
الام :والله يابني،مش عارفه اقولك ايه.ولا ارد عليك بأيه
